كل شيء حواليا ضدي معاك
حتى قلمى وسقمى اتفقوا وياك
وتبقي انت اللي مبكينى وانت اللي بستناك
وانا عمر لسانى ما هتف بكلمة اهواك
وحتى ظنونى قالتلي ما اتحداك
واسلم لقلبك في سنينى اللي جاية وادوق من عشقك واتغطى بسماك
واعيش علي ارضك واهاجر لدنياك
وانا يعنى ازاي هقدر اروحلك وانت طريقك باينلي هلاك
ماهو كل اللي كانو قبلي في عشقك رجعوا دايقين بعينيهم جفاك
وانا كل ما اقول هبعد عنك..مافتكرش الا انك اجمل ملاك
واتمنى لو اتقلب في حبك بين الويل والزهد والاشواك
لو كنت بيا رحيم..متخلنيش اتغرب بلقاك
متخلنيش اتشتت بين حلم وانين سكنوا جوايا وجواك
واسمع قلبي اللي وهبك كل الامانى لرضاك
وصدق قلمى..اللي عمره ما كتب بنشوة لـ غلاك
ليست هناك تعليقات:
إرسال تعليق