ما حلاها عيشة الحرية
لا خطيب وحبيب يقرف فيا
ولا دمعة حزن تموت فيا
ولا كلمة حب تأثر فيا
ولا ويل واهات تكسر فيا
ولا دقة قلب تضعف فيا
ولا عمر يهّج من غير حنية
ولا شوق بيشد للغُلب في ثانية
ما حلاها عيشة الحرية
وما حلاه دمعى في اغنية
لما اشوف الدنيا بتفرق الاحباب
وتخلي الحلم في لحظة سراب
وتذل عيون وتبات اغراب
وانا عمري ما هقول يوم يا عذاب
ولا همشي للحب برجلية
ما حلاها عيشة الحرية
وانا طول عمري من الحب خايفة
ولا قادرة اسلم روحي للعشق صافية
ولما اتولدت علي ايديك مكنتش عارفة
انك سرقت منى الروح وخلتنى عاشقة
وغويت وياك الشوق واستحليت المجازفة
ولا عمري هقول يا حرية ونا في بحرك غارقة
وبمطر أيامك هروى شجونى العاطشة
واغلب جنونى وظنونى وهكون لحبك واعظة
واسمع غنوايك في الليل واشرد في عينيك الدابحة
واكتب للقمر مواويل يمكن تكون واضحة
وهكلم الشمس عنك تتوصي في الشارقة
ما حلاها عيشتك..من غير حرية
وما حلاه عشقك ..وانت بتتقل عليا
وما حلاه قربك..حتى ولو صعب عليا
وما حلاها صورتك..حتى ولو ذنب عليا
وما حلاه صوتك ..وانت بتعتب عليا
وما حلاه نورك..اللي نور لياليا
وما حلاه شجنك..وانت بتهذب فيا
وانت اللي غيرت فيا كل قواميس العشق والحب الشقية
